بابا ھردیو سنگھ کا سڑک حادثے میں انتقال

نئی دہلی:سنت نرنکاري مشن کے سربراہ بابا ھردیو سنگھ کا کینیڈا کے ماٹریل میں ایک سڑک حادثہ میں آج انتقال ہو گیا۔ وہ 62 سال کے تھے ۔ بابا ھردیو سنگھ کے انتقال کی خبر آتے ہی ان کے لاکھوں پیروکاروں میں غم کی لہر دوڑ گئی۔ ان کے انتقال کی خبر بھارتیہ جنتا پارٹی کے لیڈر شاھنواز حسین نے ٹویٹ کرکے دی۔ انہوں نے ٹویٹ کیا ”نرکاري بابا ھردیو سنگھ کی ماٹریل میں سڑک حادثہ میں موت ہو گئی۔ ان کے انتقال کی خبر بہت افسوسناک ہے ”۔
بی جے پی لیڈر نے کہا ”بابا ھردیو سنگھ کے انتقال سے ملک کوبڑا نقصان پہنچا ہے ۔ وہ روحانیت کے ذریعہ لوگوں کی خدمت کیا کرتے تھے ۔ میں نے بھی ان کے سماگم میں شرکتکی ہے ”۔نرنکاري تنظیم کے ترجمان انل کمار نے ان کے انتقال کی تصدیق کر دی ہے ۔ انہوں نے بتایا کہ ہندوستانی وقت کے مطابق صبح پانچ بجے ان کی گاڑی حادثے کا شکار ہوگئی۔اس میں بابا شدید طور پر زخمی ہوئے تھے ۔ انہیں اسپتال لے جایا گیا جہاں وہ جانبر نہیں ہو سکے ۔ ان کے ساتھ گاڑی میں ان کے دو داماد بھی تھے ۔ اس حادثے میں ان کے ایک داماد کو بھی چوٹیں آئی ہیں۔ بابا ھردیو سنگھ کی پیدائش 23 فروری 1954 کو دہلی میں ہوئی تھی۔ 1971 میں وہ نرنکاري سیوا دل سے منسلک ہوئے تھے ۔ انہوں نے 1980 میں والد کی موت کے بعد نرنکاري مشن کے سربراہ کا عہدہ سنبھالا تھا۔ ان کی موت سے پورا نرنکاري فرقہ صدمے میں ہے ۔ نرنکاري مشن کی 27 ممالک میں 100 سے زیادہ شاخیں ہیں جو انسانیت کے فلاح و بہبود کے کاموں میں سرگرم ہے ۔ بابا ھردیو سنگھ کی ابتدائی تعلیم گھر پر ہی ہوئی تھی۔ بعد میں انہوں نے دہلی کے سنت نرنکاري کالونی میں روسري اسکول اور پھر پٹیالہ کے ایک بورڈنگ اسکول سے تعلیم حاصل کی۔1975 میں انہوں نے فرخ آباد کی سوندر کور سے شادی کی۔ سوندر دہلی میں نرنکاري سنت سماگم کی رکن تھیں۔