بارسلونا کی بائر لیورکسن کیخلاف فتح

بارسلونا: چیمپئنز لیگ فٹبال میں ہونے والے میچ میں بارسلونا نے دلچسپ مقابلے کے بعد بائر لیورکسن کو ایک کے مقابلے میں دو گولز سے شکست دیدی۔ چیمپئنز لیگ فٹبال کے میچ میں بارسلونا اور بائر لیورکسن کی ٹیموں میں جوڑ پڑا، میچ کے دوران دونوں ٹیموں کے درمیان دلچسپ اور سنسنی خیز مقابلہ دیکھنے کو ملا۔ بارسلونا کی ٹیم کو لائنل میسی کی انجری کے باعث ان کے بغیر ہی کھیلنا پڑا جس کا بھرپور فائدہ اٹھاتے ہوئے لیورکسن نے کھیل کے بائیسویں منٹ میں پہلا گول داغ کر برتری حاصل کر لی۔ میچ کے پہلے اور دوسرے ہاف کے اختتامی لمحات تک مقابلہ ایک صفر کے فرق سے لیورکسن کے حق میں رہا لیکن میچ ختم ہونے سے چند منٹ قبل بارسلونا کے سرجی روبرٹو اور لوئس سوریز نے یکے بعد دیگرے دو گول سکور کر کے بارسلونا کو ایک کے مقابلے میں دو گولز سے فتح دلوا دی۔