بارہ بنکی ضلع بارایسوسی ایشن کے انتخابات آج

بارہ بنکی :ضلع بار ایسوسی کے سالانہ انتخاب کے لئے ۲۰ نومبر کو پورے دن ووٹ ڈالے جائیں گے۔ ۲۱ کو ووٹوں کا شمار کیا جائے گا۔ ضلع بار ایسوسی ایشن کے صدر عہدہ کے چھ امیدواروں سمیت سینئر نائب صدر اول و دوم، جنرل سکریٹری ، مشترکہ سکریٹری انتظامیہ ، خازن اور مجلس عاملہ کے ارکان سمیت کل ۷۱ امیدواروں کی قسمت کافیصلہ ۲۱ نومبر کو ہوجائے گا۔ فلم اداکار امتابھ بچن کا مقدمہ لڑنے والے وکیل امیر حیدر بار ایسوسی ایشن کے صدر کے عہدہ کے لئے میدان میں ہیں جس کی وجہ سے انتخابات میں لوگ دلچسپی لے رہے ہیں۔ گزشتہ چار برس سے بار ایسوسی ایشن کے صدر برجیش دیکشت اس مرتبہ بھی میدان میں ہیں۔ سابق بار ایسوسی ایشن صدر مہندر پرتاپ سنگھ ایک مرتبہ پھر صدر بننے کے لئے زور آزمائی کررہے ہیں۔ سیاسی جماعتوں کی طرح بار ایسوسی ایشن کے انتخاب میں بھی ذات برادری کا مدعا حاوی ہے ۔ بارایسوسی ایشن میں برہمن ، ٹھاکر ومسلم ووٹوں کے زیادہ ہونے کی وجہ سے وکلاء تذبذب کا شکار ہیں۔