ممبئی ۔(ایجنسی) سلمان خان کو بالی ووڈ کا دبنگ ‘ ، شاہ رخ خان کو ‘ بادشاہ’ اور عامر خان کو ‘مسٹر پرفیکشنسٹ ‘ کہا جاتا ہے ۔ اداکار ریتک روشن کو بھلے ہی ایسا کوئی نام نہیں ہے ہے ، لیکن یہ بالی ووڈ کے ‘ اسٹائل آئکن ‘ ہیں ۔
ان کا انداز سب سے جدا ہے ۔ ریتک جتنی اچھی اداکاری کرتے ہیں اس سے کہیں زیادہ بہتر رقص کرتے ہیں ۔ ر یتک کو ملٹی ٹیلینٹیڈ کہا جاتا ہے ۔ رقص ، لک اور ایکٹنگ کا گریٹ کامبی نیشن ہے ۔آج یعنی ۱۰ جنوری کو ریتک روشن کی سالگرہ ہے ۔ آج وہ ۴۰سال کے ہو گئے ہیں ۔ گزشتہ ۱۴ سالوں سے بیوی سجین ، ماں باپ اور اپنے دونوں بیٹوں کے ساتھ سالگرہ کا جشن منانے والے ریتک کے لئے اس سال یہ دن اکیلے مناناذرا مشکل ہوگا ۔ اگرچہ آج ان کے مداح ان کی ایک جھلک دیکھنے کو بے تاب ہوں گے لیکن یہ کہنا مشکل ہے کہ ریتک آج کس طرح سے اپنی سالگرہ منائیں گے ۔
سال۲۰۱۳ ریتک کے لئے کافی اتار چڑھاو بھرا رہا ۔ گزشتہ ایک سال میں ریتک کو بہت کچھ برداشت کرنا پڑا ۔ تاہم اسی سال ر یتک نے زبردست ہٹ فلم بھی دی ہے ۔ فلمی کیریئر بھلے ہی بہتر رہا ہو لیکن ان کے ذاتی زندگی اور صحت کا کافی نقصان ہواہے۔ ان کے دماغ میں خون کے تھکے جمنے کی وجہ سے ان کی برین سرجری ہونا ، پھر سجین کے ساتھ ان کا طلاق اور پھر اسے لے کر ماں باپ کے ساتھ ان بن ۔ ایسے میں ان چیزوں کو بھول کر آج اپنی سالگرہ خوشی کے ساتھ منانا ذرا مشکل سا ہوگا ۔
ر یتک کی پہلی پہچان ان کے رقص سے ہوتی ہے ۔ انہوں نے اپنی پہلی فلم ‘ کہو نہ پیار ہے کے نغمے ‘ ایک پل کا جینا ‘ میں جو رقص کیا ہے اسے آج بھی بھول نہیں پاتے ہیں ۔ اس کے بعد ایک پر ایک ہر فلم میں انہوں نے ایسا ایک ڈانس نمبر کیا ہے جسے ناظرین صدیوں یاد رکھتے ہیں ۔ بھلے ہی پھر وہ فلم مشن کشمیر ہو ، کرش ، دھوم تھری یا زندگی ملے گی نہ دوبارہ ۔ ان کے ڈانس کے آگے سب ماند پڑ جاتا ہے ۔ ان کے رقص موو سب سے زیادہ بولڈ ہوتے ہیں ۔ر یتک روشن ہمیشہ ہی بڑی بینر کی فلموں کے لئے جانے جاتے ہیں ۔ ریتک نے اپنے کیریئر میں بہت کم فلمیں کی ہیں ، لیکن ان میں سے کامیاب فلموں کی فہرست ذرا طویل ہے ۔ کہو نہ پیار ہے سے بی ٹاؤن میں انٹری لینے والے ریتک نے ہر سال ایک ہٹ فلم دی ہے ۔ ہر فلم میں انہوں نے ایک ڈفرینٹ لک کے ساتھ انٹری کی ہے ۔ ان کے کردار ہر بار مختلف ہیں ۔ کبھی ایکشن ہیرو ، تو سافٹ ریتک، کبھی تھوڑا سا پاگل تو کبھی خوب سمجھدار ۔ کبھی رومانی تو کبھی بولڈ لک والا ریتک ۔ وہ ہر فلم میں ایک نئے کردار میں نظر آتے ہیں ۔ریتک اپنی پرفیکٹ باڈی اور فیزک کے لئے جانے جاتے ہیں ۔ نوجوانوں کو متاثر کرنے والے ریتک کا انداز سب سے الگ ہے ۔ ان کے فیچر اور ڈریسنگ انداز باقی اسٹارس سے بالکل مختلف ہے ۔ ان کا ہیئراسٹال ہر فلم میں مختلف ہوتا ہے ۔
