بالی ووڈ ستاروں اور کرکٹرز کے د رمیان پیار محبت کی داستانیں

نئی دلی۔ یوں تو آج کل کرکٹر ویرات کوہلی اور بالی ووڈ اداکارہ انوشکا شرما کی محبت کی داستانیں میڈیا کی زینت بنی ہوئی ہیں لیکن بھارت میں کرکٹر اور فلم نگری کی حسیناؤں کے درمیان پیار محبت کا یہ رشتہ کوئی نئی بات نہیں اس سے قبل بھی کئی بھارتی اداکاراؤں اور کرکٹروں کے درمیان محبت کی داستانیں لکھی گئیں جن میں سے بعض شادی تک بھی پہنچیں۔ویسٹ انڈیز کے سابق مایہ ناز کرکٹر ویوین رچرڈ نے بالی ووڈ ادکارہ نینا گپتا سے عشق لڑایا اور اس دوران ایک بیٹی نے جنم لیا تاہم ان کا یہ تعلقات زیادہ نہ چل سکا۔ ان کی یہ بیٹی ماسابا گپٹا جو خود بھی بالی ووڈ میں اور فیشن ڈیزائننگ میں اپنی صلاحیتوں کے جوہر دکھا چکی ہیں ان کی وجہ سے اب تک ویون رچرڈ اور نینا گپٹا کے درمیان تعلق قائم ہے اس لیے نینا اپنی بیٹی کی شادی نومبر میں کررہی ہیں جس میں ان کے سابق شوہر بھی شریک ہوں گے۔
بھارتی ممتاز اسپنر پربھجن سنگھ بھی بیٹسمینوں کو اپنی ٹرن کرتی گیندوں سے گھماتے گھماتے خود بالی ووڈ اسٹار گیتا سنگھ کے ہاتھوں محبت میں کلین بولڈ ہوگئے اگرچہ انہوں نے اس عشق کو بہت چھپانے کی کوشش کی لیکن عشق اور مشق کہاں چھپتا ہے بالاًخر میڈیا کے سامنے ان کی پریم کہانی آہی گئی اسی لیے دونوں نے فیصلہ کیا ہے کہ وہ اسی مہینے شادی کرلیں گے البتہ گیتا بسرا تو ابھی بھی اس تعلق کو چھپا رہی ہیں جس میں ایک انٹرویو کے دوران انہوں نے شادی کی تصدیق یا تردید کرنے سے انکار کردیا تھا۔بالی ووڈ اسٹارز اور کرکٹرز کے ان عشق کے قصوں کیعلاوہ دونوں شعبوں کے ستاروں میں بہترین دوستانہ تعلقات بھی قائم ہیں جس میں بالی ووڈ اسٹار عامر خان اور بھارتی لیجنڈ بیٹسمین سچن ٹنڈولکر قریبی دوست سمجھے جاتے ہیں ہیں اور اکثر تقریبات میں یہ دونوں ستارے ساتھ ساتھ نظر آتے ہیں۔ بھارتی میڈیا کے مطابق عامر خان اپنی ہر نئی فلم کوسینما کی زینت بننے سے قبل سچن ٹنڈولکر کو دکھاتے ہیں جو انہوں نے پی کے کی ریلیز سے قبل بھی کیا، سچن ٹنڈولکر نے پی کے کو عامر خان کی
فلم قرار دیتیہوئے کہا کہ انہوں نے اپنی سابقہ فلموں کے مقابلے میں اس فلم میں بہترین اداکاری کے جوہر دکھائے۔بھارتی ٹیم کو پہلی بار ورلڈ چیمپئین بنانے والے سابق کرکٹر کپل دیو سابق اور آنجہانی بالی ووڈ اداکار پران کے درمیان دوستی کا مضبوط رشتہ قائم تھا بلکہ پران تو کپل دیو کے دیوانے تھے اسی لیے اکثر وہ بیرون ملک دوروں بھی کپل دیو کے ساتھ نظر آتے،اسٹار کرکٹر اور اداکار کی دوستی کا اندازہ اس بات سے لگایا جاسکتا ہیکہ کپل دیو کا کوئی بیٹا نہیں تاہم وہ کہتے تھے کہ اگر ان کا کوئی بیٹا ہوتا تو وہ اس کا نام اپنے اس عزیز دوست پران کے نام پر رکھتے۔
بھارتی کپتان مہندرا سنگھ دھونی اور اسٹائلش بالی ووڈ اسٹار جون ابراہم میں بھی خوب دوستی ہے جس کا اعتراف خود جون ابراہم بھی کرچکے ہیں جس میں ان کا کہنا تھا کہ جب بھی بھارتی ٹیم کا میچ ہوتا ہے وہ خود کود اسٹیڈیم میں جانے سے نہیں روک پاتے جب کہ انہوں نے مزید کہا کہ دھونی کے پاس ۲۹ موٹربائیکس ہیں اور وہ جب بھی ان سے ملنیجاتے ہیں ان کی بائیک ضرور چلاتے ہیں، جون کے مطابق دھونی ایک اچھے اور انتہائی نرم مزاج کے انسان ہیں۔کرکٹر اور اداکاروں کی دوستی میں رنبیر کپور اور ویندر سہواگ بھی شامل ہیں ان کا یہ دوستانہ تعلق ایک کمرشل اشتہار کے دوران اور بھی مضبوط ہوا جب کہ رنبیر کا کہنا ہے کہ سہواگ ایک بہترین دوست ہیں اور دلچسپ بات یہ ہے کہ ہم دونوں کو خواتین کے معاملات پر بات کرنا پسند ہے۔ بھارتی میڈیا کی رپورٹ کے مطابق سہواگ سہواگ رنبیر کے ڈانس سے بہت متاثر ہیں اسی لیے رنبیر بھی اپنے دوست سے ملاقات میں انہیں اپنے ڈانس سے محظوظ کرتے ہیں۔