بالی ووڈ کا خاص حصہ بن چکی ہیں الیانا ڈی کروز

نیو کمرس فنکاروں میں الیانا ڈی کروز ایسی ہیں جو تیزی سے آگے بڑھ رہی ہیں ۔ اٹھارہ سال کی عمر میں سائوتھ کی ہیروئین بن چکی الیانا ڈی کروزگوا کی رہنے والی ہے ۔ سائوتھ میں کامیاب ہونے کے بعد ہندی فلموں میں قدم رکھا ۔ فلم برفی میں بہترین اداکاری کے بعد فلم ’پھٹا پوسٹر نکلا ہیرو ‘سے وہ ناظرین کی پسند بن گئیں ۔ رنبیر کپور اور شاہد کپور کے بعد وہ ورن دھون کے ساتھ فلم ’ میں تیرا ہیرو‘ میں آ رہی ہیں ۔ لیکن ان کے لئے سب سے بڑا مسئلہ یہ جڑاہے کہ وہ یہ طے نہیں کر پا رہی ہے کہ انہیں سائوتھ میں رہنا ہے یا بالی وڈ میں ۔ لیکن ان کا خیال ہے کہ سائوتھ کے ہیرو کے لئے بالی وڈ کبھی راس نہیں آتا جبکہ ہیروئنوں کو کامیابی اور مقبولیت حاصل ہوتی رہی ہے ۔ ویجنتی مالا ، ریکھا، ہیمامالنی ، سری دیوی ، جیا پردا ، مینا کشی سسادری کے علاوہ نئی ہیروئینوں نے بھی یہاں اپنا شاندان مقام بنایا ہے ۔ کئی ہیروئنیں تو بالی وڈ کی ہی ہو کر رہ گئیں ۔ گزشتہ دنوں اسن ، دپیکا ، کاجل اگروال ، تمنا بھاٹیہ اور تاپسی پنو کے ساتھ وہ بالی وڈ کا حصہ بن گئی ہیں ۔دراصل جب انوراگ بسو اپنی فلم برفی بنا رہے تھے تو اس کے لئے پرینکا چوپڑا کے علاوہ ایک اور ہیروئن کی تلاش میں تھے ۔ اگرچہ انوراگ بسو الیانا کو پہلے سائوتھ کی فلموں میں دیکھ چکے تھے ۔ جب الیانا کا نام ان کے ذہن میں آیا تو ان کی تلاش ختم ہو گئی ۔ اس فلم کی تعریف کے ساتھ ساتھ الیانا کی تعریف بھی خوب ہوئی ۔ فلم برفی کے بعد دوسری فلم راج کمار سنتوشی کی ’پھٹا پوسٹر نکلا ہیرو‘ آئی جس میں شاہد کپور کے ساتھ الیانا کو لیا گیا ۔ اس فلم میں ان سے کو زیادہ مواقع فراہم کیے گئے ۔ اگرچہ برفی نے انہیں سائوتھ میں اور مقبولیت بخشی تھی ۔ لیکن اس وقت اس پوزیشن میں تھی کہ وہ ہمیشہ کے لئے سائوتھ کو الوداع کہہ سکتی تھی لیکن یہ سوچ کر ایسا نہیں کیا کہ اگر بالی وڈ میں نہیں چل سکی تو کیا ہوگا ۔ لیکن اب وہ بالی وڈ کا ایک خاص حصہ بن چکی ہیں ۔ انہیں اچھے آفر بھی ملنے لگے ہیں ۔ ڈیوڈ دھون کی فلم میں ہیروئین مرکزی کردار میں شامل ہوتی ہی ہے ۔ وہ ایک فلم سیف علی خان کے ساتھ بھی کر رہی ہیں ہیپی اینڈنگ ۔