بالی وڈ موسیقاروں کا پشاور حملے میں جاں بحق بچوں کیلئے گانا

ممبئی: بالی وڈ کے دو موسیقاروں نے پشاور سکول حملے میں جاں بحق ہونے والے بچوں کے لئے گیت خالی پن بنایا ہے۔ سلیم اور سلیمان کا کہنا ہے کہ جب ہم نے 16 دسمبر 2014 کو واقعہ کے بارے میں سنا تو ہمیں بہت صدمہ ہوا، ہم نے سوچا کہ اگر ایسا ہمارے ساتھ ہو کہ ہمارے بچے سکول جائیں اور واپس نہ آئیں تو ہماری کیا کیفیت ہو گی۔ دونوں کا کہنا ہے کہ دہشتگردی ایک بیماری ہے اور اس کا تعلق کسی ایک ملک سے نہیں، ایسے واقعات دنیا کے مختلف ممالک میں ہو رہے ہیں۔ انہوں نے مزید کہا ہم نے اپنا گیت خالی پن دنیا بھر کے بچوں کے نام کیا ہے اور ہماری خواہش ہے کہ یہ گیت ان افراد تک پہنچے جو ایسے دہشتگردوں کی معاونت کرتے ہیں۔