اداکار رنبیر کپور اور کٹرینہ کیف کے رشتوں سے قطع نظر رنبیر کپور کے لیے آنے والا وقت انتہائی چیلنجنگ نظر آرہا ہے کیونکہ ان کے سامنے اپنے والد اور معروف اداکار رشی کپور کا کردار ادا کرنے کا چیلنج ہے۔ممبئی کے اخبار ڈی این اے کے مطابق رنبیر کپور فلم ساز کرن جوہر کی فلم ’اے دل ہے مشکل‘ میں اپنے والد رشی کپور کی سنہ۱۹۷۷کی فلم ’دوسرا آدمی‘ کا کردار کریں گے۔فلم ’دوسرا آدمی‘ کی کہانی ایک ایسی خاتون (راکھی) کی کہانی ہے جو اپنی عمر سے کم عمر کے شخص (رشی کپور) کے محبت میں گرفتار ہو جاتی ہے جو انھیں ان کے سابق محبوب کی یاد دلاتا ہے۔’اے دل ہے مشکل‘ میں ایشوریا رائے بچن ’دوسرا آدمی‘ کی راکھی کا کردار ادا کریں گیں جبکہ انشکا شرما اور رنبیر کپور کی جوڑی بھی ساتھ ساتھ ہوگی۔اط
لاعات کے مطابق یہ فلم ’دوسرا آدمی‘ کی ری میک ہوگی اور کرن جوہر کے لیے اس کی اجازت حاصل کرنا بہت مشکل نہیں۔کرینہ کپور کو آشمان کے ساتھ کام کرنا گوارا نہیںکرینہ کپور فلموں کے انتخاب میں ہی نہیں اپنے کو سٹار کے انتخاب میں بھی عمل دخل رکھتی ہیںمیڈیا میں شائع خبروں کے مطابق ابھیشیک چوبے کی آنے والی فلم ’اڑتا پنجاب‘ جو پہلے آوشمان کھرانا کو پیش کی گئی تھی، اس میں اب وہ نہیں ہوں گے۔اور مبینہ طور پر اس کے لیے کرینہ کپور کو ذمہ دار ٹھہرایا جا رہا ہے۔
کرینہ اپنے مقابل کسی بڑے سٹار کو چاہتی تھیں اور ان کا خیال تھا کہ آشمان ان سے عمر میں چھوٹے نظر آئیں گے اور وہ بڑے سٹار بھی نہیں ہیں۔انڈیا ٹوڈے کے مطابق ابھیشیک چوبے نے کرینہ کی بات مانتے ہوئے آشمان کو اس پروجیکٹ علیحدہ کر دیا ہے۔دوسری جانب آشمان کے ترجمان کا کہنا ہے کہ علیحدگی کی وجہ عدیم الفرصتی ہے۔وہیں یہ اطلاعت بھی ہیں کہ اس فلم میں کرینہ کے سابق دوست شاہد کپور کا بھی اہم کردار ہے لیکن کرینہ ان کے ساتھ ایک بھی سین میں ساتھ نہیں آنا چاہتیں۔فی الحال کرینہ سلمان خان کے ساتھ فلم ’بجرنگی بھائی جان‘ میں مشغول ہیں۔
