باکسنگ ڈے ٹسٹ میں جارحانہ کھیل د کھائے گی ہند وستانی ٹیم: ہیڈ ن

نے کہاہندوستانیوں نے دکھایا ہے کہ وہ جارحانہ کھیل دکھائیں گے۔ ہمارے مڈل آرڈر اور نچلے آرڈر کو بہتر کارکردگی کا مظاہرہ کرنا ہوگا۔ شاید وہ ہندوستانی مشیل جانسن کو
اٹیک کریں گے۔ دیکھتے ہیں کہ کیا ہوتا ہے۔
دوسرے ٹسٹ میں ہندوستانی بلے باز جانسن کے نشانے پر تھے اور چھینٹا کشی کا ان کا داؤ الٹا پڑ گیا تھا۔ہندوستانی کھلاڑیوں سے میدان پر الجھنے کے بعد جانسن نے 88 رنز بنائے اور بعد میں چار وکٹ بھی لئے۔ آسٹریلیا نے یہ ٹسٹ جیت کر سیریز میں 2۔ 0 سے سبقت بنالی۔گابا میں پریکٹس پچوں کی شکایت کرنے والے ہندوستانی کھلاڑیوں کی بھی ہیڈن نے تنقید کی۔ انہوں نے کہا پریکٹس وکٹ میں کیا خرابی تھی۔ انہوں نے میچ کے بعد بھی اس کا استعمال کیا لہذا کوئی مسئلہ نہیں تھا۔ہمارے گیندبازوں نے بھی اس پر عمل کیا اور ہندوستانیوں نے بھی۔ٹسٹ کے چوتھے دن ہندوستان نے خراب پریکٹس پچوں کی شکایت کی تھی جس پر شکھر دھون اور وراٹ کوہلی کو چوٹ لگی تھی۔ اس سے ڈریسنگ روم میں بدامنی کا ماحول پیدا ہو گیا تھا جس کا ہندوستانی کپتان مہندر سنگھ دھونی نے ذکر بھی کیا تھا۔دوسرے ٹسٹ میں آسٹریلیا کی فتح نوجوان اسٹیون اسمتھ کی بطور کپتان پہلی ٹسٹ جیت تھی۔ اسمتھ کو ہیڈن پر ترجیح دے کر کپتان بنایا گیا تھا۔ ہیڈن نے کہاسلیکٹرز نے کافی بہادر اور صحیح فیصلہ لیا جو اسے کپتان کیا۔ اس کیلئے یہ صحیح وقت ہے۔ وہ شاندار فارم میں ہیں اور بطور کپتان اس کی فکر کرنے کی ضرورت نہیں ہے۔انہوں نے کہاوہ اچھا کپتان ہے اور اس کی مدد کیلئے بہت سے سینئر کھلاڑی ہیں۔ وہ نوجوان ہے اور آنے والے وقت میں بہتر ہی ہوں گے۔ کرکٹ آسٹریلیا کا یہ فیصلہ درست ہے۔ابھی تک اچھی کارکردگی کا مظاہرہ نہیں کر سکے ہیڈن نے کہامیں اسے لے کر فکر مند نہیں ہوں۔ میری تیاری پختہ ہے، صرف رن نہیں بنا پائے۔ میں اس بارے میں زیادہ سوچ نہیں رہا۔وہیں دوسری جانب میلبورن کرکٹ میدان پر پریکٹس سیشن کے دوران فاسٹ بولر جیمز پیٹنسن کا بائونسر آسٹریلیا کے اسٹار آل رائونڈرشین واٹسن کے ہیلمیٹ پر لگا جس سے ہیوز کی المناک موت کی یادیں پھر تازہ ہو گئیں۔واٹسن اس واقعہ سے اتنے دہل گئے کہ میدان نیٹس چھوڑ کر چلے گئے۔ اس سے باکسنگ ڈے ٹسٹ کیلئے آسٹریلیا کاپریکٹس سیشن جلدی ختم ہو گیا۔ پیٹنسن بھی کشیدگی میں نظر آئے چونکہ وہ بھی نیٹس سے چلے گئے۔ تمام کھلاڑی اور اہلکار واٹسن کے پاس یہ دیکھنے گئے کہ انہیں چوٹ تو نہیں لگی ہے۔ بائونسر کو چھوڑنے کی کوشش میں واٹسن کو گیند ہیلمیٹ پر لگی۔ اس کا اثر اتنا تھا کہ وہ اپنے گھٹنوں کے بل گر گئے پھردوسری جانب ہیلمیٹ اتار کر چیک کیا۔ اس کے بعد وہ ٹیم ڈاکٹر پیٹر بروکنیر کے ساتھ میدان سے چلے گئے۔ وہ کئی منٹ تک اپنا سر ہاتھوں سے پکڑ کر بیٹھے رہے۔کرکٹ آسٹریلیا کے ترجمان نے بتایا کہ واٹسن سہمے ہوئے تھے۔ بعد میں نائب کپتان بریڈ ہیڈن نے بتایا کہ انہیں چوٹ نہیں لگی ہے۔ ہیڈن نے کہامیں نے اس سے بات کی۔ وہ تھوڑا سہما ہوا ہے لیکن ٹھیک ہے۔ انہوں نے کہاوہ تھوڑا سہما ہوا ہے۔ کوئی سہم ہی جائے گا۔ میں زیادہ نہیں بتا سکتا کیونکہ اس سے زیادہ بتانے کے لئے کچھ نہیں ہے۔ واٹسن بعد میں کرکٹ آسٹریلیا کے فیملی ڈے پروگرام میں بھی نہیں آئے اور ٹیم ہوٹل میں ہی رہے۔
اس واقعہ نے ہیوز کی موت کی یادیں تازہ کر دی جس سے اب بھی آسٹریلوی کرکٹر نکل نہیں سکے ہیں۔ دو ہفتے پہلے شیفیلڈ شیلڈ میچ کے دوران بائونسر لگنے کے بعد ہیوز کی موت ہوئی تھی۔اس سے پہلے واٹسن کے ساتھ نیٹ پر بلے بازی کر رہے مشیل اسٹارک کے بھی گھٹنے میں چوٹ لگ گئی۔ نیٹ گیندباز کی گیند ان گھٹنے پر لگی اور وہ درد سے کراہتے نظر آئے۔ا سٹارک تھوڑی وقت کیلئے نیٹ پر بیٹھے اور پھر باہر چلے گئے۔ ہیڈن نے کہاوہ ٹھیک ہے۔ اس کے گھٹنے پر گیند لگی تھی۔ہندوستان کے خلاف تیسرے ٹسٹ کے لئے اسٹارک کی جگہ فاسٹ بولر ریان ہیرس کھیلیں گے۔ ہیرس چوٹ کے بعد واپسی کر رہے ہیں۔ چار ٹسٹ میچوں کی ٹسٹ سیریز میں آسٹریلیا فٹنس مسائل کا شکار رہا ہے۔ کپتان مائیکل کلارک ایڈیلیڈ ٹسٹ کے بعد ہی باہر ہو گئے جبکہ فاسٹ بولر ہیرس گرون کی چوٹ کی وجہ سے دوسرا ٹسٹ نہیں کھیل سکے تھے۔ مشیل مارش میلبورن ٹسٹ نہیں کھیل سکیں گے۔ سلامی بلے باز ڈیوڈ وارنر کے بھی انگوٹھے میں چوٹ ہے حالانکہ انہوں نے کہا کہ وہ باکسنگ ڈے ٹسٹ کھیلیں گے۔ انہوں نے کہامیں یقینی طور پر کھیلوں گا۔ مجھے درد ہے لیکن یہ طے ہے کہ میں باکسنگ ڈے ٹسٹ کھیلوں گا۔