لکھنؤ۔(نامہ نگار)۔ وکاس نگر میں بدھ کی رات موٹر سائیکل سوار دو بدمعاش ایک خاتون کے گلے سے سونے کی چین چھین لے گئے۔متاثرہ خاتون نے بدمعاشوں کو پکڑنے کی کافی کوشش کی لیکن وہ ناکام رہی۔ وکاس نگر کے سیکٹر -۱ کے باشندے نندت کمار شریواستو کی بیوی کویتا شریواستو بدھ کو کسی کام کے سلسلہ میں سیکٹر -۳ میں گئی تھی۔ وہاں سے لوٹتے وقت سیکٹر -۳ کے پاس دو موٹر سائیکل سوار بدمعاشوں نے ان کے گلے سے سونے کی زنجیر چھین لی اور فرار ہو گئے۔ کویتا بدمعاشوں کو پکڑنے کیلئے ان کے پیچھے دوڑی لیکن بدمعاش فرار ہو چکے تھے۔ کویتا کے شور مچانے پر مقامی لوگ مدد کیلئے پہنچے۔ اطلاع پر پہنچی وکاس نگر پولیس نے بدمعاشوں کو کافی تلاش کیا لیکن کوئی کامیابی نہیں ملی۔
پولیس نے کویتا کی تحریر پر نامعلوم بدمعاشوںکے خلاف لوٹ کی رپورٹ درج کر لی ہے۔
