بد معاشوں کے حملہ میں خاتون زخمی

مظفر نگر (بھاشا)۔مظفر نگر کے قدوائی نگر علاقہ میں جائداد کے جھگڑے کے سلسلے میں تین نامعلوم بدمعاشوں نے ایک خاتون کو گولی مار دی ۔ پولیس کے ترجمان نے بتایا کہ کل رات عثمان کی بیوی راشدہ کو گھر میں گھس کر تین نامعلوم بدمعاشوں نے گولی مار دی ۔ متاثرہ خاتون کو اسپتال میں داخل کرادیا گیا ہے جہاں اس کی حالت تشویشناک بتائی جارہی ہے ۔ ترجمان نے بتایا کہ راشدہ کا اپن
ے بھائی کے ساتھ جائیداد کے سلسلے میں پرانا جھگڑا ہے ۔ ترجمان نے بتایا کہ اس سلسلے میں مقدمہ درج کرلیا گیا ہے اور ملزم کو گرفتار کرنے کی کوشش کی جارہی ہے ۔