برباد فصل دیکھ کر کسان کو پڑا قلبی دورہ

سنبھل :چندوسی:سنبھل ضلع میں فصل برباد ہو جانے کے سبب کسانوں کی موت کی خبریں رکنے کا نام نہیں لے رہی ہے ۔ کچھ کسان خود کشی کر رہے ہیں تو کچھ کی صدمہ کے سبب موت ہو رہی ہے۔ گزشتہ روز منڈوا گاؤں کے رہنے والے دھرم پا ل سنگھ کو دل کا دورہ پڑنے سے سنگین حالت میں اسپتال میں بھرتی کرایا گیا جہاں اس کی حالت نازک بنی ہوئی ہے۔ دھرما پال سنگھ کو قلبی دورہ اس وقت پڑا جب وہ اپنے کھیت میں کھڑی برباد فصل کو دیکھ رہا تھا۔ دھرم پال سنگھ کے بھتیجے نے بتایا کہ ان کے چچا کی ۰۲ بیگھا گیہوںکی فصل برباد ہو گئی ہے۔ اس میں بینک سے قرض لے کر یہ فصل لگائی تھی ۔ انہیں اسے فصل بیچ کر قرض کی ادائگی کرنی تھی۔