بروسلی کی بیٹی اپنے والد کی زندگی پر فلم بنائیں گی

ایکشن آئیکان بروسلی کی زندگی پر اب ایک میگا بجٹ فلم بنائی جائے گی جسے خود ان کی بیٹی پروڈیوس کریں گی۔ تفصیلات کے مطابق بروسلی کے مارشل آرٹس پر یوں تو کئی فلمیں بنائی جاچکی ہیں لیکن یہ فلم بروسلی کی زندگی کے ان دیکھے واقعات پر مبنی ہوگی۔ بروسلی کی دختر شینان کے مطابق اس فلم کی اسکرپٹ ان کی پوری فیملی کے تعاون سے لکھی جارہی ہے۔ انہوں نے کہا کہ اب تک بروسلی پر جتنی بھی فلمیں بنائی گئی ہیں وہ حقیقی معنوں میں انہیں مطمئن نہیں کرتیں۔ بروسلی ’’انٹرٹینمنٹ کے بینر پر بنا
ئی جانے والی یہ فلم ان پر بنائی گئی سابقہ فلموں سے منفرد ہوگی۔ واضح ہوکہ سال 1993ء میں بروسلی پر بنائی گئی فلم ڈراگن نے اچھی خاصی کامیابی حاصل کی تھی۔