گورکھپور (نامہ نگار)سہجنواں کے چرگاؤن چوراہے پر سنیچر کی صبح بم دھماکہ میں ایک کارروباری زخمی ہوگیا۔ اطلاع ملنے کے بعد موقع پر پہنچ کر پولیس اور بم اسکوائڈدستہ کو موقع سے زردے کے ڈبہ کے ٹکڑے ملے۔
گھگسرانمائندہ کے مطابق چرگاؤں کے رادھے شیام شکلا کی شبھم موبائل سینٹر کے نام سے چوراہے پر دکان ہے۔ سنیچر کی صبح ان کے بیٹے دکان کھولنے کے لئے پہنچے۔ ستیندر نے شٹر کا تالاکھولنے کے بعد جیسے ہی اسے اوپر اٹھایا اوپر سے ایک تمباکو کا ڈبہ گرتے ہی تیز دھماکہ ہوگیا اس کی زد میں آکر ستیندر اور سویندر زخمی ہوگئے۔ اس حادثہ کی اطلاع ان کے والد کو دی گئی۔ رادھے شیام نے پولیس کو مذکورہ واقعہ کی اطلاع دی۔ جس کے بعد سہجنواں پولیس بم دھماکہ دستہ اور پولیس افسران موقع پر پہنچ گئے اور ستیندر اورشیوندر کو اسپتال میں داخل کرایاگیا۔
بم اسکوائڈ دستہ نے موقع پر زردہ کے پھٹے ہوئے ڈبہ سے کیلیں، شیشے کے ٹکڑے اور چھوٹے پتھر برآمد کئے۔ پولیس اسے دیسی بم بتارہی ہے۔ ایس پی
دیہی حلقہ ہریش چندر نے بتایا کہ مذکورہ حادثہ میں کسی مشتبہشخص کا ہاتھ ہے۔ کاروباری نے فی الحال کسی کو نامزد نہیں کیا ہے۔ پولیس نے کہا ہے کہ جلد ہی قصورواروں کو گرفتار کرلیا جائے گا۔
