بندر نے پجاری کے سر پر پھینکا پتھر، موت

پٹنہ: بہار میں پٹنہ ضلع کے پٹنہ شہر چوک تھانہ علاقہ میں آج ایک بندر نے پجاری کے سر پر پتھر گرا دیا جس سے اسکی موت ہو گئی۔پولیس ذرائع نے یہاں بتایا کہ مرچائی گلی میں واقع مندر کے پجاری منا مشر (60) آج صبح مندر کی سیڑھی پر جھاڑو لگا رہے تھے تبھی ایک بندر نے بڑا پتھر گرا دیا۔ پتھر سر پر گرنے سے پادری کی موقع پر ہی موت ہو گئی۔ذرائع نے بتایا کہ واقعہ کے بعد لوگ جمع ہو گئے اور بندر کو بھگا دیا ہے ۔ گھر والوں کے اصرار پر لاش کا پوسٹ مارٹم نہیں کرایا گیا۔ پجاری کی لاش آخری رسوم کے لئے اہل خانہ کے حوالے کردی گئی ہے ۔