جموئی: بہار میں انتہاپسندی سے متاثر ضلع جموئی کے چرکا پتھر تھانہ علاقے سے پولیس نے آج علی الصبح ممنوعہ کمیونسٹ پارٹی آف انڈیا (ما¶نواز) کے ایک سخت گیر انتہاپسند سمیت دو لوگوں کو گرفتار کرکے بڑی مقدار میں دھماکہ خیز اشیاءبرآمد کئے ہیں۔پولیس ذرائع نے یہاں بتایا کہ اطلاع کی بنیاد پر وسولیا بہیار میں واقع ایک اڈے پر چھاپہ مار کر انتہاپسند امجد حسین اور ایک مشتبہ کو گرفتار کیا گیا ہے ۔
پولیس نے موقع سے دھماکہ خیز اشیائ، جلاتین کی چھڑیں اور فیوز وائر کے علاوہ کچھ مشتبہ سامان ضبط کئے ہیں۔ذرائع نے بتایا کہ انتہاپسند نے پوچھ گچھ میں بتایا کہ وہ گولی امکولی علاقے میں دھماکہ کا منصوبہ بنا رہا تھا۔ حسین کئی انتہاپسندانہ معاملوں میں پولیس کو مطلوب تھا۔ پولیس ایک دیگر مشتبہ سے بھی پوچھ گچھ کر رہی ہے ۔
