بڑی مقدار میں گانجہ اور افیون برآمد

گیا: بہار میں گیا ضلع کے بارہ چٹی تھانہ علاقہ سے کل رات گئے پولیس نے کافی مقدار میں گانجہ اور افیون برآمد کیا ہے ۔پولیس ذرائع نے آج یہاں بتایا ہے کہ اطلاع کی بنیاد پر شیر گھاٹی کے سب ڈویژنل پولیس کے عہدے دار اوپندر پرساد کی قیادت میں منشیات کے محکمہ کی ٹیم نے پپراہی جنگل سے 165 کلو گانجہ اور ساڑے چار کلو افیون برآمد کی ہے ۔ گانجے اور افیون کو لکڑیوں کے نیچے چھپاکر رکھا گیا تھا۔ذرائع نے بتایا ہے کہ اس ضمن میں کسی کی گرفتاری نہیں ہوئی ہے ۔ پولیس معاملہ کی چھان بین کررہی ہے ۔