کارلسٹن ۔ کینیڈا کی ابھرتی ہوئی اسٹار ایوجنی بکارڈ نے سابق نمبر ون
کو کیریئر میں پہلی بار شکست دے کر فیملی سرکل کپ ٹینس ٹورنامنٹ کے کوارٹرفائنل میں داخلہ حاصل کر لیا ہے ۔ چھٹی سیڈ بکارڈ نے وینس کے پرستار کو چونکاتے ہوئے دو بار فائنل سیٹ میں امریکی کھلاڑی کی سروس بریک کی اور 7-6 ، 2-6 ، 6-4 سے جیت درج کر کوارٹر فائنل میں اپنی جگہ پکی کر لی ۔ دونوں کھلاڑیوں کے درمیان کھیلے گئے آخری میچ میں 33 سالہ وینس نے 20 سال کی بکارڈ کو تین سیٹ میں ہرایا تھا ۔ بکارڈ نے میچ کے بعد کہا کہ میں جب بھی وینس کے خلاف کورٹ پر اترتی تھی مجھے لگتا تھا کہ میں جیت سکتی ہوں ۔ لیکن اس بار میرا اعتماد بہت زیادہ تھا ۔ میرے لئے یہ بہترین موقع تھا کہ میں اس کھلاڑی کے ساتھکھیلوںجو نمبر ون رہ چکی ہے اور جسے میں نے ٹی وی پر دیکھا ہے ۔ 11 ویں سیڈ وینس نے ایک دہائی پہلے یہ ٹورنامنٹ جیتا تھا ۔ لیکن اس کے بعد فٹنس مسائل کی وجہ سے وہ یہاں گزشتہ کئی سالوں سے کھیل نہیں پائی تھی ۔ وینس نے دکھی دل سے کہا کہ میری غلطیوں نے مجھے شکست دی ہے ۔میچ میںبہت ساری غلطیاں تھی ۔ کینیڈین کھلاڑی بکارڈ کا آخری آٹھ میں سربیا کی ایلینااکووچ کے ساتھ مقابلہ ہوگا ۔ دوسری سیڈ اور سال 2007 کی چمپئن ایلینا نے سنگلز کے تیسرے راؤنڈ میں کروشیا کی ایجلا ٹامی ووچ کو مسلسل سیٹ میں 7-5 ، 6-1 سے شکست دی تھی ۔ دیگر سنگلز میچ میں نوویں سیڈ جمہوریہ چیک کی کارووا نے ساتویں سیڈ آسٹریلیا کی سامنتا توسور کو 3-6 ، 6-4 ، 6-4 سے شکست دی جبکہ سال 2009 کی چمپئن اور چوتھی سیڈ جرمنی کی سبان کو ہم وطن ادرکا پیٹکووا کے ہاتھوں شکست جھیلنی پڑی ۔ 14 ویں سیڈ پیٹکووا نے لسی کو یک طرفہ مقابلے میں 6-1 ، 6-0 سے شکست دی ۔ سوئس کوالیفائر بیلڈا بینسس نے یوکرین کی نوجوان کھلاڑی ایلینا سویتولینا کو تین سیٹوں تک چلے سخت جدوجہد میں 6-7 ، 6-4 ، 6-1 سے شکست دے کر کوارٹر فائنل میں داخلہ حاصل کر لیا۔ تیسری سیڈ اٹلی کی سارا ایرانی نے وین کی پیگ شائی کو 7-6 ، 7-6 سے اور سلوواکیہ کی ڈینیلا یچکووا نے برازیل کی ٹیلنا پیریرا کو 6-2 ، 6۔ 3 سے شکست دے کر آخری آٹھ میں جگہ بنائی ۔اس کے علاوہ سلوواکیہ کی ایک اور کھلاڑی جانا سیپیلووا نیروس کی ایلینا ویسنینا کو 7-6 ، 3-6 ، 6-3 سے شکست دی ۔
