بگ بیش کرکٹ لیگ 18 دسمبر سے شروع ہو گی

میلبورن۔ بگ بیش کرکٹ ٹی ٹونٹی لیگ 18 دسمبر سے شروع ہو گی۔ رواں برس ہونے والا ڈومیسٹک ٹورنامنٹ بگ بیش ٹی ٹونٹی ٹورنامنٹ 18 دسمبر سے 28 جنوری تک کھیلا جائے گا۔ پرتھ سکارچرز کی ٹیم ٹائٹل کا دفاع کرے گی۔ کرکٹ آسٹریلیا کی طرف سے جاری کردہ بیان کے مطابق سکول کی چھٹیوں کو مدنظر رکھتے ہوئے لیگ کے شیڈول کا اعلان کیا گیا ہے اور سڈنی شو گرائونڈ لیگ کے میچوں کی میزبانی کرے گا۔ ٹورنامنٹ کے افتتاحی میچ ایڈیلیڈ اوول اسٹیڈیم میں کھیلا جائے گا جس میں اسٹرائیکرز کی ٹیم میلبورن اسٹارز کے آمنے سامنے ہو گی۔ ایونٹ میں 11 جنوری کے علاوہ ہر روز دو میچ کھیلے جائیں گے۔ ایونٹ کا پہلا سیمی فائنل 24 اور دوسرا سیمی فائنل 25 جنوری کو کھیلا جائے گا اور دو ٹاپ ٹیموں کے درمیان فائنل 28 جنوری کو کھیلا جائے گا۔