بھدوہی:اترپردیش میں بھدوہی شہر کوتوالی علاقے میں ڈاکٹر بھیم راؤ امبیڈکر کے مجسمے کو نقصان پہنچائے جانے سے مشتعل مقامی لوگوں نے سڑک جام کردی۔پولیس ذرائع نے یہاں بتایا کہ بھدوہی-درگاگنج سڑک کے ڈڈوا دھرم پور گاؤں میں لگے ڈاکٹر بھیم راو امبیڈکر کے 17سال پرانے مجسمے کو شرارتی عناصر نے کل رات توڑ دیا ۔صبح اس کی اطلاع ہونے پر سیکڑوں مقامی لوگوں نے بھدوہی درگاگنج سڑک پر جام لگا دیا۔جام سے اس سڑک پر گاڑیوں کی لمبی قطاریں لگ گئیں۔اس کی اطلاع ملتے ہی پولیس اور انتظامیہ کے سینئر افسران موقع پر پہنچ گئے ۔
افسروں کے ذریعہ مجسمے کی جگہ نیا مجسمہ تعمیر کروانے اور قصورواروں کے خلاف کارروائی کرنے کی یقین دہانی کے بعد مقامی لوگوں نے جام ختم کیا۔اس معاملے میں امبیڈکر کمیٹی کے صدر قلندر کمار گوتم نے شہر کوتوالی میں رپورٹ درج کرادی ہے ۔
