بینک میں لوٹ کی کوشش ، دو سیکورٹی اہلکار ہلاک

بارہ بنکی: اترپردیش کے بارہ بنکی شہر میں نامعلوم بدمعاشوں نے ضلع کوآپریٹو بینک کی ایک شاخ میں چوری کے ارادے سے وہاں تعینات دو سکیورٹی اہلکاروں کا قتل کردیا۔ پولیس سپرنٹنڈنٹ عبد الحمید نے آج یہاں بتایا کہ شہر کوتوالی علاقے میں واقع ضلع کوآپریٹو بینک میں چوری کے ارادے سے پہنچے نامعلوم بدمعاشوں نے ڈیوٹی پر تعینات سیکورٹی اہلکاروں دیش راج (30) اور اوم پرکاش (26) کا تیز دھار ہتھیار سے حملہ کرکے قتل کردیا۔قتل کرنے کے بعد لٹیروں نے بینک کا لاکر توڑنے کی کوشش کی لیکن اس میں کامیاب نہیں ہوئے اوربھاگ گئے ۔ بدمعاشوں نے بینک میں گھستے ہی سی سی ٹی وی کیمروں کے تار کاٹ دیے تھے ۔انہوں نے بتایا کہ پولیس نے معاملہ درج کر کے لاشوں کو پوسٹ مارٹم کے لئے بھیج دیا ہے ۔ تحقیقات کی جا رہی ہے ۔