کانپور (نامہ نگار)رکن اسمبلی مقامی علاقوں میں رہنے والے باشندوں کے مسائل کو حل کرسکتے ہیں۔ سڑک، سیور، پانی کی نکاسی کچھ ایسے ہی مسئلے ہیں ۔ اسی سلسلہ میں مہاراج پور اسمبلی حلقہ حلقہ کے بی جے پی رکن اسمبلی ستیش مہانہ نے سی سی سڑک کا افتتاح کیا۔ یشودانگر میں گوپال نگر علاقہ کے تحت سڑک کے افتتاح کے موقع پر ستیش مہانہ نے صحافیوں کو بتایا کہ انہوں نے گزشتہ ایک سال میں ۲۵گلیوں کا افتتاح کیا ہے۔ اور آئندہ بھی کے ڈی اے و آواس وکاس کے ذریعہ سڑکوں کی تعمیر کا کام کرایا جائے گا۔ انہوں نے کہا کہ مہاراج پور اسمبلی حلقہ میں پانی کی نکاسی ایک اہم مسئلہ ہے اس کے لئے پہلے بھی کئی مرتبہ کوشش کی جاچکی ہے۔ انہوں نے صحافیوں کو یقین دلایا کہ اسکیم بناکر حکومت کی سطح سے رقم منطور کرانے کی کوشش کی جائے گی۔ اس موقع پر راکیش تیواری ، ڈی رائے وغیرہ موجود تھے۔
