بی جے پی لیڈر کی ڈینگو بخار سے موت

شاہجہانپور۔ ضلع میں ڈینگو سے متاثر بی جے پی کے لیڈر راجیش بھدوریا کی آج صبح بریلی کے ایک اسپتال میں موت ہو گئی۔ ذرائع کے مطابق شیر پور کریا کے باشندے راجیش بھدوریا (۴۵) دیوالی کے موقع پر بھی بیمار تھے اور انہیں تیز بخار تھا جس کے بعد انہیں ضلع اسپتال میں داخل کرایا گیا۔ کل اچانک ان کی حالت خراب ہو گئی اور انہیں بریلی میںواقع دیپ مالا اسپتال میں داخل کرایا گیا لیکن علاج کے دوران آج صبح تقریباً چار بجے ان کی موت ہو گئی۔ 
بی جے پی لیڈرکی موت پر مختلف سیاسی جماعتوں اور تنظیموں نے تعزیت کا اظہار کیا ۔