لکھنؤ۔(نامہ نگار)۔ بی جے پی کے ذریعہ دو مارچ کو ہونے والی ریلی کے پیش نظر ٹریفک پولیس نے اہم سہ راہوں پر ٹریفک میں تبدیلی کی ہے۔ ریلی کے وقت شہید پتھ کے آس پاس کی سڑکیں بند رہیں گی۔ کانپور کی جانب سے آنے والی گاڑیاں جو شہید پتھ ہوتے ہوئے سلطانپور رائے بریلی روڈ کی جانب جائیں گی وہ گاڑیاں موڑ کے دائیں طرف موہن لال گنج ، گوسائیں گنج ہوکر اپنی مقررہ جگہ جا سکیں گی ۔ سلطانپور روڈ سے شہید پتھ ہوتے ہوئے رائے
بریلی روڈ، کانپور روڈ پر جانے والی بھاری گاڑیاں گوسائیں گنج موڑ سے موہن لال گنج موڑ ہوتے ہوئے مقررہ جگہ کو جائیں گی۔ اہیما مئو، شہید پتھ سے ریلی کی جگہ بھاری گاڑیاں نہیں جا سکیں گی۔ یہ گاڑیاں اہیما مئو پل سے بائیں جانب گوسائیں گنج ہوکر اپنے مقررہ مقام تک جائیں گی۔ شہید پتھ کانپور روڈ سے ریلی کی جگہ بھاری گاڑیاں نہیں جا سکیں گی۔ اس کے علاوہ چھوٹی گاڑیوں کے راستے میں تبدیلی کا بندوبست ٹریفک پولیس نے الگ سے کیا ہے۔ کانپور کی جانب سے آنے والی چھوٹی گاڑیاں جنہیں شہید پتھ ہوتے ہوئے سلطانپور، رائے بریلی، فیض آباد روڈ کی طرف جانا ہے تو یہ گاڑیاں بارہ بروا ، بنگلہ بازار، تیلی باغ، اتریٹھیا پل سے شہید پتھ موہن لال گنج ہوتے ہوئے مقررہ مقام تک جا سکیں گی۔ فیض آباد سلطانپور، رائے بریلی روڈ کی جانب سے آنے والی چھوٹی گاڑیاں جنہیں شہید پتھ ہوتے ہوئے کانپور رڈ کی طرف جانا ہے یہ گاڑیاں اتریٹھیا پل سے نیچے اترکر رائے بریلی روڈ ، تیلی باغ پل، بارہ بروا ہوکر مقررہ مقام تک جا سکیں گی۔
