کانپور(نامہ نگار)بے قابون ٹرک سڑک کے کنارے واقع دکانوںمیں گھس گیا جس کی وجہ سے کئی دکانیں منہدم ہوگئیں۔اس حادثہ میںجان ومال کے نقصان کی اطلاع موصول نہیں ہوئی ہے مقامی لوگوںنے ڈرائیور کوپکڑکر پولیس کے حوالے کردیا ۔خبر کے مطابق تھانہ بٹھورعلاقہ کے تحت مندھان میں ایک ٹرک بے قابو ہوکر سڑک کے قریب واقع دکانوںمیں جا گھسا۔ جس کے سبب علاقہ میں افراتفریح پھیل گئی ۔ دکان میں سو رہے لوگ حادثہ میں محفوظٖ رہے ۔حادثہ کے بعد لوگوں نے ٹرک ڈرائیور کو پکڑ کر پولیس کے حوالے کردیا بتایاجارہا ہے کہ ٹرک ڈرائیوشراب پیئے ہوئے تھا اور اسی حالت میں ٹرک چلارہاتھا۔
