تاجر کے قتل کیس میں دو گرفتار، زیورات برآمد

پٹنہ: بہار میں ضلع پٹنہ کے پنپن تھانہ علاقے کے علاء الدین چک گاؤں میں پراپرٹی ڈیلر کے قتل کے الزام میں پولیس نے دو بدمعاشوں کو گرفتار کر لیا۔سینئر پولیس سپرنٹنڈنٹ منو مہاراج نے آج یہاں بتایا کہ 17 ستمبر کو نامعلوم بدمعاشوں نے علاء الدین چک گاؤں کے باشندہ اورپراپرٹی ڈیلر جتیندر کمار کا گلا کاٹ کر قتل کر دیا تھا اور زیورات اور نقدی سمیت لاکھو روپے کی جائیداد لوٹ کر فرار ہو گئے ۔ معاملے کی سنگینی کے پیش نظر مجرموں کی گرفتاری کے لئے سٹی پولیس سپرنٹنڈنٹ (مشرق) محترمہ دھرت سایلي ساولارام کی قیادت میں ایک خصوصی ٹیم تشکیل دی گئی۔ مسٹر مہاراج نے بتایا کہ ٹیم نے تکنیکی اور سائنسی طریقے سے تحقیق شروع کر دی۔ اس دوران اطلاع ملی کے قتل کے کیس میں ملوث مجرم پنپن تھانہ علاقے کے شري پالپور مسھري کے قریب ایک بڑا واقعہ کو انجام دینے کی منصوبہ بندی کر رہے ہیں۔ پولیس نے فوری کارروائی کرتے ہوئے مذکورہ ٹھکانے کے قریب محاصرے کیا۔ پولیس کو دیکھتے ہی مجرموں نے فرار ہونے کی کوشش کی لیکن پولیس نے پیچھا کر دو مجرم سونو کمار اور کندن کمار عرف بلا کو دبوچ لیا۔سینئر پولیس سپرنٹنڈنٹ نے بتایا کہ گرفتار مجرموں کی نشاندہی پر ایک ٹھکانے پر چھاپہ ماری کی گئی۔دریں اثنا چوری شدہ زیورات، دو لاکھ 16 ہزار 750 روپے نقد اور مقتول تاجر کا موبائل فون سمیت کل تین موبائل فون، قتل میں استعمال کیا گیا چاقو برآمد کیا گیا۔ انہوں نے بتایا کہ قتل میں ملوث دیگر مجرموں کی شناخت کر لی گئی ہے اور پولیس ان کی گرفتاری کے لیے چھاپے ماری کر رہی ہے ۔