تلاشی کے دوران ایس ایس بی جوان کاقتل

لکھیم پور کھیری (نامہ نگار)۔لکھیم پور کھیری کے ٹکنیا علاقے میں کل شام نیپال سرحد پرچیکنگ کے دوران ایک شخص نے سرحدی حفاظتی فورس کے جوان کو گولی مار دی جس سے اس کی موقع پر ہی موت ہو گئی۔ پولیس کے ایک ترجمان نے بتایا کہ ہند نیپال سرحد پرتکنیا علاقے میں پرتاپ سنگھ نام کاایک شخص آیا ہواتھا ۔
ایس ایس بی کے جوان دھرمیندر سنگھ نے جب اس کی تلاشی لی تونوجوان نے دھرمیندرسنگھ کوگولی ماردی۔ گولی لگنے سے دھرمیندر سنگھ کی موت ہوگئی۔ متوفی جوان ایس ایس بی تیسری بٹالین کی زی ٹیم میںتعینات تھا۔ ترجمان نے بتایا کہ گولی مارنے کے بعدپرتاپ سنگھ موقع سے فرار ہو گیا۔ پولیس اسے سرگرمی سے تلاش کررہی ہے۔