نئی دہلی: تہاڑ جیل کے حکام نے جیل کمپلکس میں دو موبائل سیٹ، کچھ بیٹریز، ایک اختراع کیا گیا موبائل چارجر، 200 گرام تمباکو اور ٹینس کی گیندوں میں چھپاکر رکھے گئے کچھ غیر قانونی ٹیبلیٹس برآمد کئے ہیں۔ذرائع کے مطابق یہ اشیاءعلی الصبح اس وقت برآمد کی گیئں جب آئی ٹی بی پی کے ایک جوان نے دیکھا کہ کچھ نامعلوم افراد جیل نمبر 8 اور 9 کے پاس کچھ اشیاءپھینک رہے ہیں۔آئی ٹی بی پی محافظ حرکت میں آگیا اور ڈیوٹی پر تعینات دیگر محافظوں کو اس کی اطلاع دی۔ اس کے بعد تلاشی مہم شروع کی گئی جس کے دوران یہ اشیاءبرآمد ہوئیں۔ تاہم موبائل سیٹ میں کوئی سم کارڈ نہیں تھا۔
