تیرے عشق میں قربان کے لئے ہباشاہ

بالی ووڈ کے مانے جانے اداکار نصیرالدین شاہ کی بیٹی ہبا شاہ مینگو سفلے، ہاتھی کا انڈہ اور مسڈ کال جیسی فلموں میں کام
کرنے کے بعد تیرے عشق میں قربان میں لیڈ رول کے ساتھ اپنی دوسری اننگ کا آغاز کرنے جا رہی ہیں۔ ہبا شاہ زیادہ تر تھیٹر پر ہی سرگرم رہتی ہیں لیکن اس سال وہ فلم تیرے عشق میں قربان میں لیڈ رول کرتی نظر آئیں گی۔ ہبا شاہ سیریل بالیکاودھومیں بھی دادیساکے کردار میں نظر آئی تھی اور اپنے زبردست رول کے لیے انہوں نے کافی تعریفیں حاصل کی تھی۔ لیکن فلموں سے کافی عرصے سے دور ہی رہی ہیں۔ اب انہوں نے اپنے کیریئر کی دوسری اننگ کا آغاز کرنے کا فیصلہ کر لیا ہے۔ رائٹر-پروڈیوسر-ڈائریکٹر پی دہک کی فلم سے وہ واپسی کر رہی ہیں۔ تیرے عشق میں قربان میں وہ ایک وکیل کے کردار میں نظر آئیں گی۔ دیکھنا ہے کہ بالی ووڈ میں جو مقام نصیرالدین شاہ کو ملا کیا اس مقام تک ان کی بیٹی ہبا شاہ پہنچ پاتی ہے یا نہیں۔