بارہ بنکی (نامہ نگار)بارہ بنکی سے رائے بریلی کے درمیان کوٹھی تھانہ حلقہ میں کھڑی ایک ٹرک میں تیز رفتار ماروتی کار گھس گئی۔ جس میں سوار پانچ افراد میں سے تین کی موقع پر ہی موت ہوگئی۔ اور دو افراد کو علاج کے لئے ضلع اسپتال بھیج دیا گیا۔ موصولہ خبر کے مطابق بارات سے واپس رائے بریلی جانے والی ماروتی کار یوپی -۳۳این ۰۲۰۱جس میں اکھلیش کمار ، ویریندر ورما، انل، نریندراور ستیندر سوارتھے ۔ کوٹھی تھانہ حلقہ کے سیدن پور میں واقع متھراپرساد کے ہوٹل کے گیٹ پر کھڑی ٹرک نمبر یوپی-۴۱-۲۵۱۰میں پیچھے سے چلی گئی جس سے تیز رفتار ماروتی کار کے پراخچے اڑ گئے اور ماروتی سوار اکھلیش اور ویریندر ورما نے موقع پر ہی دم توڑدیا۔
