تیز رفتار ٹرک سے کچل کر د و اسکولی طالبہ ہلاک، تین زخمی

سہسرام،26 فروری (یو این آئی) بہار کے ضلع روہتاس میں ایک تیزرفتار ٹرک نے پانچ بچوں کو کچل دیا، جن میں سے دو ہلاک اور تین دیگر زخمی ہوگئے ۔ مذکورہ ضلع کے شیو ساگر تھانہ علاقہ میں بمہور گاوں کے نزدیک آج یہ حادثہ ہوا۔پولیس نے یہاں بتایاکہ اسکول کے چند بچے سڑک کے کنارے کھڑے تھے ، تبھی ایک تیز رفتار ٹرک نے انہیں کچل دیا، بمہور گاوں کے نزدیک یہ حادثہ ہوا۔ اس حادثہ میں دو طالبات کی موقع پ
ر ہی موت ہوگئی جبکہ تین دیگر زخمی ہوگئے ۔ پولیس نے بتایا کہ زخمی بچوں کو مقامی اسپتال میں داخل کرایا گیا ہے ۔ ڈرائیور کو گرفتار کرکے ٹرک کو ضبط کرلیا گیا ہے ۔ اس حادثے میں ماری گئی بچیوں کی شناخت پوجا کماری اور روپا کمار کے طور پر کی گئی ہے ۔