تیلگو فلم انڈسٹری میں ودیا کے نام سے ’ویئر از ودیا بالن؟‘ فلم بنے گی

ممبئی: تیلگو فلم انڈسٹری میں بالی ووڈ اداکارہ ودیا بالن کے نام سے فلم بنے گی۔ صرف بالی ووڈ ہی نہیں تیلگو فلم انڈسٹری بھی ودیا کی دیوانی ہے جہاں نئی فلم کا ٹائٹل ہے’’ یئر از ودیا بالن‘‘ یعنی ’’ودیا کہاں ہیں ؟‘‘۔اس کرائم کامیڈی فلم میں تیلگو اداکار پرنس اور جیوتی سیٹھی جلوہ گر ہونگی۔ کہا جا رہا ہے کہ تیلگو فلم ساز نے نام رکھنے سے پہلے ودیا جی سے خصوصی اجازت لی تھی۔ ودیا بالن نے گزشتہ برس فلم ’’بوبی جاسوس‘‘ میں ای
ک جاسوس بن کر اداکاری کی اور فلم باکس آفس پر اچھا بزنس کیا اس کے باوجود اگرچہ اداکارہ کو حالیہ سیزن ایوارڈ میں ہوسکی مگر پھر بھی ساؤتھ انڈین فلم ناظرین پر اچھا تاثر ضرور چھوڑ گئیں جس کے بعد ساؤتھ انڈین فلم ساز نہ صرف ان کے کام سے متاثر ہوئے ہیں بلکہ ان کے نام سے بھی اتنے ہی ہیں۔دوسری طرف ودیا بالن ان دنوں چار فلموں کے اسکرپٹس پڑھنے میں مصروف ہیں جو مرحوم اداکارہ سشیترا اور پاکستانی سیاستدان بے نظیر بھٹو کی زندگی پر بننے والی دو فلمیں بھی شامل ہیں۔ ودیا کے قریبی ذرائع نے بتایا کہ وہ مذکورہ چار فلموں کے اسکرپٹس پڑھنے کے بعد ان میں سے کسی فلم میں کام کے بارے میں حتمی فیصلہ کریں گی جب کہ فلم کے ڈائریکٹر اور پروڈیوسر کا نام بھی اس کے بعد واضح کیا جائیگا۔ ودیا فی الحال فلم ’’ہماری ادھوری کہانی‘‘ کی شوٹنگ میں مصروف ہیں۔ اس فلم میں ان کے ساتھ مرکزی کردار میں اداکار عمران ہاشمی شامل ہیں اور اس فلم میں ودیا ایک گھریلو خاتون کا کردار ادا کر رہی ہیں۔