تین لٹیرے گرفتار

لکھنؤ(نامہ نگار)بنتھرا پولیس نے تین شاطر لٹیرے اور چوری کی واردات کو انجام دینے والے ملزمین کو گرفتار کیا ہے پولیس نے تینوں کے قبضے سے اسلحے ، زندہ کارتوس اور زیورات کے علاوہ ہزاروں روپئے نقد برآمد کئے ہیں۔ بنتھرا پولیس کے مطابق بھاگو کھیڑا کے نزدیک دوشنبہ کو سہابا کے رہنے والے رئیس محمد، بنتھرا کے جالب کھیڑا کے رہنے والے انشل عرف بڑے اور مکیش کوری کو گرفتار کیا ہے۔
پولیس نے رئیس کے قبضے سے لوٹ کے ۱۰۰۵۰ روپئے، چوری کی موٹرسائیکل، سونے کی انگوٹھی سمیت چاندی کی پائل برآمد کی ہے۔ انشل کی تلاشی لینے پر اس کے قبضے سے ۳۱۵بور کا طمنچہ، ایک زندہ کارتوس، دس ہزار روپئے نقد، سونے کی چین برآمد کی ہے
۔ وہیں مکیش کے قبضے سے ۱۱ہزار روپئے نقد کے علاوہ سونے کی انگوٹھی اور ایک جوڑی پائل برآمد کی ہے۔پولیس کا کہنا ہے کہ ان تینوں پر تھانہ سروجنی نگر سے چوری اور لوٹ کی سنگین دفعات میں معاملے درج ہیں۔