تین لڑکیوں کی لاشیں برآمد، قتل کا شبہ

دیوریا 21 مارچ (یو این آئی) اترپردیش میں دیوریا کے برہج علاقے میں آج تین لڑکیوں کی لاشیں ملنے سے علاقے میں سنسنی پھیل گئی۔پولیس سپرنٹنڈنٹ ڈاکٹر منوج کمار نے یو این آئی کو بتایا کہ پھکئی پور گاؤں کی تین لڑکیوں کی لاشیں آج کٹیاری کے پاس ملی ہیں۔انہوں نے بتایا کہ لڑکیوں کے سر پر چوٹیں ہیں۔ لڑکیوں کی عمر 9، 12، 18 سال ہے ۔ انہوں نے بتایا کہ پوسٹ مارٹم کے بعد ہی موت کی حقیقی صورت حال کا پتہ چل سکتا ہے ۔ذرائع کے مطابق لاش ملنے سے علاقے میں سنسنی پھیل گئی ہے ۔ مذکورہ تینوں لڑکیاں ایک ہی گاؤں کی رہنے والی ہیں۔ ان کے گاؤں سے جائے حادثہ دس کلومیٹر دور ہے ۔ پولیس معاملے کی چھان بین کر رہی ہے ۔