میلبورن۔لینڈر پیس اور ثانیہ مرزا نے آسٹریلیائی اوپن ٹینس ٹورنامنٹ میں اپنی مہم کی شاندار شروعات کرتے ہوئے آج یہاں بالترتیب مرد اور خواتین ڈبلس کے دوسرے دور میں جگہ بنائی۔ثانیہ اور چینی تائیپے کی ان کی جوڑی دار س ویکسیہ نے ارجنٹائن کی ماریا ارگوین اور سوئٹزرلینڈ کی رومنا اوپریڈی کو صرف 48 منٹ میں 6-2، 6-0 سے شکست دی۔ثانیہ اور سیہ کی دوسری سیڈ جوڑی کا اگلا مقابلہ کینیڈا کی گیبریلا دابرووسکی اور پولینڈ کی ایلیسیا روسولسیا کی جوڑی سے ہوگا۔مرد ڈبلز میں پیس اور جنوبی افریقہ کے راوین کلاسین کی دسویں سیڈ جوڑی نے لپسکی اور راجیو رام کی امریکی جوڑی کو 6-4، 7-6 سے شکست دے کر اگلے راؤنڈ میں داخل ہوگئے۔ان کا اگلا مقابلہ اسٹیو جانسن اور سیم سوال کی امریکی جوڑی اور سمون بولیلی اور فوگنینی کی اطالوی جوڑی کے درمیان ہونے والے میچ کے فاتح سے ہوگا۔وہیں ۔کامیلا گیروگی نے آ سٹریلین اوپن ٹینس ٹورنامنٹ میں فلوویا پنیٹاکا قصہ تمام کردیا۔ا یلینا یانکووچ اپ سیٹ شکست کھا کر ٹورنامنٹ سے باہرہوگئیں جبکہ سرینا ولیمز،وکٹوریاآ زارینکا،وینس ولیمز، آ گنیسکاراڈونسکا،سمانتھا اسٹوسر،الیزے کارنیٹ،ڈومنیکا سیبلکوا،کیرولین ووزنیاکی،مونا بارتھل اورپیٹرا کویٹووا نے فتوحات حاصل کرکے دوسرے مرحلے میں رسائی حاصل کرلی۔
مرد سنگلز میں دفاعی چیمپئن اسٹین سلاس وارینکا ،نوواک جوکووچ، فلپ لوپیز،کائی نیشکوری،مائلسرا ئو نک،جان اسنز،گیل سمنزاورڈیوڈفیررنے اپنے اپنے میچز جیت لئے۔
میلبورن میں جاری سال کے پہلے گرینڈ سلم میں آ سٹریلین اوپن ٹینس ٹورنامنٹ کے خواتین سنگلز کے ابتدائی را ئو نڈ میں اٹلی کی فلوویا پینیٹا ہم وطن کامیلا گیروگی کے ہاتھوں شکست کھا گئیں۔ کامیلا کی فتح کا اسکور 6-4،2-6 اور3-6 رہا۔ اسی طرح سوئٹرزلینڈ کی غیر معروف کھلاڑی ٹمیاباسنسکی نے سربیا کی یلینا یانکووچ کا بوریابستر گول کردیا۔عالمی نمبر ایک سرینا ولیمز نے الیسن وان یوانک کو شکست دیکر دوسرے مرحلے میں پہنچ گئیں۔ 6سیڈ وکٹوریا آ زارینکانے یک طرفہ مقابلے میںجاپان کی کرومی نارا کو3-6 اور0-6 سے شکست دیدی۔
