ثانیہ مرزا اورکربرسڈ نی ٹینس کے سیمی فائنل میں

سڈنی ۔ جرمنی کی اینجلک کربراور پیٹر کوویٹووااورخواتین ڈبلز میں ثانیہ مرزا نے سڈنی انٹرنیشنل ٹینس
ٹورنامنٹ میں کامیابی سمیٹ کر سیمی فائنل کیلئے کوالیفائی کرلیا۔ ارجنٹائن کے یوآن ڈیل پورٹو اوربرنارڈ ٹامک نے دوسرا مرحلہ عبور کرلیاجبکہ فابیو فوگینی کا سفر دوسرے رائونڈ میں ختم ہوگیا۔سڈنی میں جاری ٹینس ٹورنامنٹ کے خواتین سنگلز میں ٹاپ ٹو سیڈڈ پیٹرا کوویٹووا نے سنسنی خیز مقابلے میں آ سٹریلیا کی جرمیلا گاڈوسواکو شکست سے دوچار کیا۔ جمہوریہ چیک کی پیٹراکوویٹووا کو پہلے ہاف میں 6-4 سے ناکامی کا سامنا کرنا پڑاتاہم کویٹووا نے کم بیک کرتے ہوئے 3-6 اور 4-6 سے کامیابی اپنے نام کی۔ جرمنی کی اینجلک کربرنے عمدہ کارکر دگی کا مظاہرہ کرتے ہوئے اسپن کی مگوروزا بلانکو کو شکست دی۔خواتین ڈبلز میں بھارتی اسٹار ثانیہ مرزا اور ان کی جورڈی داربیتھنی ماٹیک نے مارٹینا ہنگزاور فلوویا پینیٹا کو اپ سیٹ کردیا۔