جامعہ نگر کے شا ہین باغ میں بھیانک آتشزدگی

نئی دہلی، 20 نومبر (یو این آئی) جنوبی دہلی میں جامعہ نگر علاقے کے شاہین باغ میں سریتا وہار روڈ پر واقع فرنیچر کی دکانوں میں کل رات خوفناک آگ لگ گئی جس سے تقریباً 12 دکانیں جل کر خاک ہوگئیں۔ اس حادثہ میں لاکھوں روپئے کا سازوسامان جل کر تباہ ہوگیا۔ فائر بریگیڈ کی ایک درجن سے زائد گاڑیوں نے کئی گھنٹوں کی مشقت کے بعد آگ پر قابو پایا۔مقامی لوگوں نے بتایاکہ رات 12 بجے کے بعد فرنیچر کی دکانوں میں آگ لگی جس نے آس پاس کے رہائشی اور دیگر تجارتی عمارتوں کو بھی اپنی زد میں لے لیا جس سے علاقے میں کافی افراتفری مچ گئی۔ذرائع کے مطابق فرنیچر کی دکانوں کے باہر سڑک پر کھڑی کاروں اور موٹر گاڑیوں میں بھی آگ لگ گئی۔ اس واقعہ میں کسی جانی نقصان کی کوئی اطلاع نہیں ہے۔