مہاراج گنج۔ گزشتہ روز شام کو تھانہ نچلول پولیس کے ذریعہ ہند نیپال سرحد پر ریگہیا موضع سے نیپال سے آتے ہوئے ایک ملزم نسیم احمد عرف راجو کو گرفتار کیا گیا۔ گرفتار ملز م کے قبضہ سے ایک ہزار کے ۳۷نوٹ، ۵۰۰ کے دو اور ۱۰۰ روپئے کے ۷ جعلی نوٹ کل ۳۸۷۰۰ روپئے کے جعلی نوٹ برآمد ہوئے۔ تفتیش میں ملزم نے نیپال سے ہندوستان میں نقلی نوٹ لاکر خود خرچ کرنا اور لوگوں سے جعلسازی کر نا بتایا۔ اس سلسلہ میں تھانہ نچلول میں مقدمہ درج کر کے ملزم کوجیل بھیج دیاگیا ہے۔
