جنوبی افریقہ اور سری لنکا ویمنز کے درمیان تیسرا اور آخری ون ڈے میچ بارش کی نذر ہوگیا

جوہانسبرگ۔ 29 اکتوبر:جنوبی افریقہ اور سری لنکا کی ویمن کرکٹ ٹیموں کے درمیان تیسرا اور آخری ون ڈے میچ بارش کی نذر ہوگیا۔ میزبان ٹیم جنوبی افریقہ نے سیریز 2-0 سے جیت لی۔ آخری ون ڈے میچ میں سری لنکا ویمن کی ٹیم پہلے بیٹنگ کرتے ہوئے مقررہ 50 اوورز میں 164 رنز بناکر آئوٹ ہوگئی۔ جنوبی افریقہ ویمن کی اننگز کا ایک اوور ہی مکمل ہوا تھا کہ موسلا دھار بارش شروع ہوگئی، گرائونڈ میں پانی جمع ہو جانے کی وجہ سے میچ دوبارہ شروع نہ ہو سکا۔ میری زین کیپ کو سیریز کی بہترین پلیئر قرار دیا گیا۔