جنوبی افریقہ نے زمبابوے کو 61رن سے د ی شکست

ہرارے۔زمبابوے کے شہر ہرارے میں سہ ملکی کرکٹ ٹورنامنٹ کے دوسرے میچ جنوبی افریقہ نے زمبابوے کو 61 رنز سے شکست دے دی۔زمبابوے کی جانب سے ٹینو مایووہ اور سکندر رضا نے اننگز کا آغاز کیا۔زمبابوے کا آغاز اچھا نہ تھا اور صرف 70 رنز کے مجموعی اسکور پر اس کے چار کھلاڑی آؤٹ ہو گئے۔ پراسپر اوٹسیا نے جنوبی افریقہ کے پانچ کھلاڑیوں کو پویلین کی راہ دکھائی جس میں شاندار ہیٹ ٹرک بھی شامل تھیزمبابوے کی جانب سے سین ویلیمز نے تین چوکوں اور ایک چھکے کی مدد سے 46 جبکہ سکندر رضا نے تین چوکوں اور ایک چھکے کی مدد
سے 35 رنز بنائے۔جنوبی افریقہ کی جانب سے ڈیل اسٹین اور میکلارن نے تین تین کھلاڑیوں کو آؤٹ کیا۔اس سے پہلے جنوبی افریقہ نے مقررہ 50 اوورز میں 231 رنز بنائے۔جنوبی افریقہ کی جانب سے کونٹن ڈی کاک نے سات چوکوں اور ایک چھکے کی مدد سے 76 جبکہ ہاشم آملہ نے پانچ چوکوں اور ایک چھکے کی مدد سے 66 رنز بنائے۔زمبابوے کی جانب سے پراسپر اوٹسیا نے پانچ اور ٹینڈائی چھتارا نے دو کھلاڑیوں کو آؤٹ کیا۔زمبابوے کی بولنگ کی خاص بات پراسپر اوٹسیا کی شاندار بولنگ تھی۔ انھوں نے جنوبی افریقہ کے پانچ کھلاڑیوں کو پویلین کی راہ دکھائی جس میں شاندار ہیٹ ٹرک بھی شامل تھی۔اس شاندار کارکردگی پر انھیں میچ کا بہترین کھلاڑی قرار دیا گیا۔