اسلام آباد: پاکستان میں صدر ممنون حسین نے وزیر اعظم نواز شریف کے مشورے پر پاکستان کے اگلے چیف جسٹس کے طور پر جسٹس جواد ایس خواجہ کی تقرری کو کل منظوری دے دی۔ ریڈیو پاکستان کے مطابق جسٹس خواجہ چیف جسٹس ناصر الحق ملک کے بعد سپریم کورٹ میں سب سے سینئر جج ہیں جو کہ 17 اگست کو چیف جسٹس کا عہدہ سنبھالیں گے ۔
چیف جسٹس ملک 16 اگست کو سبکدوش ہوں گے ۔ 10 ستمبر 1950 کو ضلع گجرنوالا کے وزیرآباد میں پیدا ہونے والے جسٹس خواجہ کو سال 1985 میں سپریم کورٹ کے ایک وکیل کے طور پر نامزد کیا گیا۔ 19 مارچ 2007 کو جسٹس خواجہ نے اپنے آئینی عہدے سے استعفی دے دیا۔ اس کے بعد 5 جون 2009 کو اس وقت کے چیف جسٹس افتخار محمد چودھری نے جسٹس خواجہ کو پاکستان کے سپریم کورٹ کے ایک جج کے طور پر مقرر کیا۔
