جونپور۔ (وارتا)۔ اترپردیش میں جونپور ضلع کے لائن بازار حلقہ کے متا پور گاؤں میں کل دیر رات ایک ویلڈنگ کی دکان کے مالک کا اس کے دو ساتھیوں نے گولی مار کر قتل کر دیا۔ پولیس ذرائع کے مطابق ضلع کے متا پور گاؤں کے رہنے والے ۲۵ سالہ سنتوش نگم کی لائن بازار چوراہے کے نزدیک کج گاؤں سڑک پر ویلڈنگ کی دکان ہے۔ کل رات اس کے دو ساتھی اسے بلانے آئے اور کھانا کھلانے کے بعد گولی مار کر قتل کر دیا۔ متوفی کے گھر والوں کی تحریر پر اس کے ساتھیوں کے خلاف تھانہ میں قتل کا مقدمہ درج کیا گیا ہے۔
واردات کی وجہ پیسہ کا لین دین اور باہمی رنجش بتائی جا رہی ہے، پولیس معاملہ کی تفتیش کررہی ہے۔ لاش کو پوسٹ مارٹم کیلئے بھیج دیا گیا ہے۔
