جوکووچ ۔ شاراپووا تیسرے دور میں، وینس باہر

سنسناٹی۔ عالمی نمبر ایک کھلاڑی سربیا کے نوواک جوکووچ نے تین سیٹوں تک جدوجہد کے بعد سنسناٹی اوپن ٹینس ٹورنامنٹ میں مردسنگلس کے تیسرے دور میں داخلہ حاصل کر لیا جبکہ روجرس کپ کی رنراپ وینس ولیمز خواتین طبقہ کے پہلے ہی راؤنڈ میں شکست کر باہر ہو گئی ہیں۔ٹاپ سیڈ جوکووچ نے مرد سنگل کے دوسرے راؤنڈ میں فرانس کے جالس سمون کو 6..3 4..6 6..4 کے سخت جدوجہد کے بعد شکست دی جبکہ اسی ہفتے کینیڈا میں راجر فیڈرر کو شکست دے کر ٹورنٹو ماسٹرس کا خطاب جیتنے والے فرانس کے سونگا پہلے ہی دور میں ہار کر باہر ہوگئے۔12 ویں سیڈ سونگا کو میخائل نے مسلسل سیٹوں میں 6 ۔6..4 سے شکست دی۔ دوسری جانب مانٹریل کپ کی رنراپ امریکی کھلاڑی وینس بھی پہلے ہی راؤنڈ میں ہار کر باہر ہو گئی۔طویل عرصے
بعد دنیا کی سب سے اوپر کی 20 کھلاڑیوں میں شامل ہوئی سابق نمبر ون وینس کو خواتین سنگلز کے پہلے راؤنڈ میں 16 ویں سیڈ جمہوریہ چیک کی لسی سفارووا نے 6..7 6..3 6..4 سے شکست دی۔جوکووچ کیلئے مقابلہ آسان نہیں رہا اور پہلا سیٹ جیتنے کے بعد دوسرے سیٹ میں وہ 4..6 سے پچھڑ گئے۔مقابلہ برابری پر پہنچنے کے بعد سمون نے تیسرے سیٹ میں بھی ٹاپ سیڈ کھلاڑی پر دباؤ کی کوشش کی لیکن ٹورنٹو میں آخری 16 میں شکست چکے جوکووچ نے فیصلہ کن سیٹ کے ساتویں گیم میں بریک پوائنٹ حاصل کیا۔       سمون نے تیسرے سیٹ کے آٹھویں گیم میں ومبلڈ ن چمپئن سروس وقفے کرنے کی کوشش کی لیکن وہ اس میں ناکام رہے اور جوکووچ نے 6..4 سے سیٹ اور میچ اپنے نام کر لیا۔جوکووچ اور سمون کے درمیان گزشتہ مقابلوں میں سربیائی کھلاڑی نے آٹھ اور سمون نے ایک بار جیت درج کی ہے۔مردسنگل کے دیگر اہم مقابلوں میں آسٹریلین اوپن چمپئن اور تیسری سیڈ سوئٹزرلینڈ کے اسٹینسلاس واورنکا نے جرمنی کے بینجمن بیکر کو 6..3 7..6 سے ہرا کر تیسرے راؤنڈ میں داخلہ حاصل کرلیا ہے۔دنیا کے چوتھے نمبر کے کھلاڑی واورنکا نے میچ میں پہلے سروس میں 82 فیصد پوائنٹس حاصل کئے اور محض 83 منٹ میں میچ اپنے نام کر لیا۔اس کے علاوہ اسپین کے رابرٹو بوٹستا اور 14 ویں سیڈ کروشیا کے مارچ سلچ نے اپنے اپنے پہلے دور کے مقابلے جیت لیے۔خواتین میں پانچویں سیڈروس کی ماریا شاراپووا نے اپنے مقابلے میں امریکہ کی میڈیسن کی کو تین سیٹوں کے جدوجہد کے بعد 6۔ .۔3..6 6..3 سے شکست دی جبکہ 12 ویں سیڈووزنیاکی نے چین کی جھانگ شائی کو 6..2 6..3 سے ہرا کر تیسرے راؤنڈ میں داخل ہوگئی ہیں۔ کریئر میں پہلی بار درجہ بندی میں دوسرے نمبر پر پہنچی رومانیہ کی سمونا ہالیپ نے اس حصولیابی کے بعد اپنے پہلے میچ میں بلجیم کی فلیپس کو 6..4 6..2 سے ہرا کر خواتین سنگلز کے دوسرے دور کا مقابلہ جیتا۔ہالیپ نے نو میں سے سات وقفے پوائنٹ بچائے اور 87 منٹ میں جیت درج کی۔اس کے علاوہ خواتین کے پہلے دور میں امریکہ کی سلوین نس۔14 ویں سیڈ اٹلی کی سارا ایرانی اور 15 ویں سیڈ اسپین کی کارلا ساریج نوارو نے اپنے اپنے مقابلے جیت کر دوسرے دور میں داخلہ حاصل کر لیا۔