جوہی چاولہ اور میرا آپس میں کوئی مقابلہ نہیں۔ مادھوری ڈکشٹ

ممبئی ۔ 22 فروری (یو این این) بالی ووڈ اداکارہ مادھوری ڈکشٹ نے کہا ہے کہ اداکارہ جوہی چاولہ اور ان کا آپس میں کوئی مقابلہ نہیں۔ بھارتی میڈیا کے مطابق گزشتہ روز کولکتہ میں اپنی نئی فلم ’’گلاب گینگ‘‘ کی تشہیری مہم کے سلسلے میں منعقدہ تقریب میں میڈیا سے گفتگو کرتے ہوئے مادھوری ڈکشٹ نے کہا کہ ان کا جوہی چاولہ سے کوئی مقابلہ نہیں ہے۔ ہم آپس میں حریف نہیں ہاں ہمیں ’’ہم عصر‘‘ قرار دیا جا سکتا ہے۔ انہوں نے کہا کہ فلم میں جوہی چاولہ کے ساتھ کام کرنے کا تجربہ بہت ہی زبردست رہا۔ فلم میں ہمارا الگ الگ کردار ہے۔ گلاب گینگ 7 مارچ کو سینما گھروں میں نمائش کیلئے پیش کی جا رہی ہے۔