جھارکھنڈ میں سڑک حادثہ، 11 ہلاک، 11 زخمی

رانچی :جھارکھنڈ کے سرائے کیلاخرساماں ضلع کے ایچاگڑھ تھانہ کے بارودہ میں آج صبح پک اپ وین اور ٹرک کے درمیان ٹکر میں 11 لوگوں کی موت ہو گئی اور 11 دیگر زخمی ہو گئے ۔ سرائے کیلاخرساماں کے پولیس سپرنٹنڈنٹ اندرجیت مھتھا نے یہاں فون پر بتایا کہ مرنے والوں میں پانچ خواتین اور 6 پولیس اہلکار شامل ہیں۔ انہوں نے بتایا کہ زخمیوں کو مہاتما گاندھی میڈیکل کالج اسپتال میں داخل کیا گیا ہے ۔مسٹر ماھتھا نے بتایا کہ زخمیوں کے مناسب علاج کا انتظام کیا گیا ہے ۔