جھارکھنڈ: پاکوڑمیں سوامی اگنی ویش پرحملہ، بی جے پی کارکنان پرحملہ کرنے کا الزام

جھارکھنڈ کے پاکوڑ میں مذہبی رہنما سوامی اگنیش پر بی جے پی کارکنان نے حملہ کر دیا ہے۔ اس دوران ان سے دھکا مکی کی گئی۔ دراصل بی جے پی کارکنان پہلے سے ہی کالا جھنڈا دکھا کر ان کی مخالفت کررہے تھے۔ ایسے میں جیسے ہی سوامی ہوٹل سے باہر آئے، کارکنان نے ان پر حملہ کردیا۔

دراصل سوامی اگنی ویش کے پاکوڑ دورہ کا ضلع کے ہندو وادی تنظیم صبح سے ہی مخالفت کررہے تھے۔ یہ مخالفت سوامی کے ذریعہ مبینہ طور پرسناتن مذہب پر کئے گئے تبصرہ اور بیف پرعائد پابندی سے متعلق بیان کی وجہ سے ہورہی تھی۔ اطلاعات کے مطابق سوامی اگنی ویش کوشدید چوٹ آئی ہے، ان کاموبائل فون بھی چھین لیا گیا ہے۔ بعد میں پولیس بھی پہنچ گئی ہے۔

اس سلسلے میں بی جے پی سمیت اکھل بھارتیہ ودیارتھی پریشد، وشو ہندو پریشد، بجرنگ دل جیسی تنظیموں کے کارکنان صبح سے سوامی اگنی ویش کے ہوٹل کے سامنے جمع ہورہے تھے۔ ایسے میں جیسے ہی وہ ہوٹل سے باہر نکلے، ان پر حملہ کردیا گیا۔

واضح رہے کہ سوامی اگنی ویش پاکوڑ سے لٹـی پاڑہ ایک تقریب میں شرکت کرنے کے لئے جارہے تھے، حملے کے دوران کارکنان “سوامی اگنی ویش واپس جاو” کا نعرہ لگاتے ہوئے نظرآئے۔ بعد میں موقع پرپہنچی پولیس نے معاملے کو ختم کرایا۔