ممبئی(وارتا)بالی ووڈ کی نئی اداکارہ ایولن شرما نے جھلک دکھلاجا کے نئے سیزن میں حصہ لینے سے منع کردیا ہے۔۲۰۱۲؍میں آئی فلم فرام سیڈنی ودھ لوسے بالی ووڈ میں اپنے کیریئر کی شروعات کرنے والی ایولن شرما نے یہ جوانی ہے دیوانی ، یاریاں اورحال ہی میں آئی فلم میں تیراہیرو جیسی ہٹ فلموںمیں معاون اداکارہ کے طورپر کام کیاہے۔بتایاجاتاہے کہ جب ایولن سے جھلک دکھلا جا کے نئے سیزن میں حصہ لینے کیلئے رابطہ قائم کیا گیا تو انھوں نے وقت کی کمی اوردیگرفلموںمیں مصروف ہونے کی وجہ سے حصہ لینے سے انکار کردیا حالانکہ ایولن کا کہناہے کہ وہ مستقبل میں شو کے کسی دیگر ایڈیشن کا حصہ بن سکتی ہیں جرمنی کی مشہورماڈل واداکارہ ایولن شرما اب مرکزی اداکارہ کے طورپر کام کرنے جارہی ہیں۔ ایولن شرما ، حسنین حیدرآباد والا کی ہدایت کاری میں بننے والی فلم ڈنک میں کام کرنے جارہی ہیں۔
