آکلینڈ۔ہندوستانی کپتان مہندر سنگھ دھونی کو ملال ہے کہ ان کی ٹیم نیوزی لینڈ کے خلاف یہاں ٹائی رہے تیسرے ون ڈے کرکٹ میچ میں مواقع سے استفادہ میں ناکام رہی لیکن انہوں نے کہا کہ وہ خوش ہیں کہ مہمان ٹیم کم سے کم پانچ میچوں کی سریز ڈرا کرا سکتی ہے ۔دھونی نے میچ کے بعد کہا کہ مجھے لگتا ہے ہم نے اچھی بلے بازی کی ۔ لیکن ہمیں ان موقعوں پر غور کرنا ہوگا جب ہم آسانی سے میچ جیت سکتے تھے ، ہم ان موقعوں کا فائدہ اٹھانے میں ناکام رہے ۔ یہ تھوڑا مایوس کن رہا لیکن مجموعی طور پر نتیجہ اچھا رہا کیونکہ اس سے سیریز میں ہماری امیدیں متحرک بنی ہوئی ہیں ۔ہندوستانی کپتان نے کہا کہ اگر ہم آج جیت جاتے تو اچھا رہتا اور ہم سیریز جیتنے کے بارے میں سوچ سکتے تھے ۔ لیکن مجموعی طور پر میں خوش ہوں کہ ہم آج میچ کو ٹائی کرانے میں کامیاب رہے جس سے ہماری امیدیں زندہ ہیں ۔ اگر ہم سیریز جیت نہیں سکتے تو کم سے کم اپنی طرف متوجہ کرنے کی کوشش تو کر سکتے ہیں ۔ہندستان نے 315 رن کے ہدف کا تعاقب کرتے ہوئے نو وکٹ پر 314 رن بنائے۔ رویندر جڈیجا ( ناٹ آؤٹ 66 ) نے ہندستان کو تقریبا جیت دلا ہی دی تھی لیکن وہ آخر میں ناکام رہے ۔ ہندستان کو اب سریز برابر کرنے کے لئے ہیملٹن ( 28 جنوری ) اور ویلنگٹن ( 31 جنوری ) میں کھیلے جانے والے آخری دو نوں میچ جیتنے ہوں گے ۔
دھونی نے کہا کہ اگر ہندستان نیوزی لینڈ کو 314 رنز سے کم کے اسکور پر روک دیتا تو ہدف کا تعاقب کرنا آسان ہو سکتا تھا۔
