جیپ اور ٹرک کی آپسی ٹکر میں 10 افراد ہلاک، 18 زخمی

اجین:مدھیہ پردیش کے ضلع اجین میں آج علی الصبح اجین-دیواس روڈ پر دو گاڑیوں کے آپس میں ٹکرانے سے 10 افراد ہلاک اور دیگر 18 زخمی ہو گئے ۔ پولیس ذرائع کے مطابق نرور تھانہ علاقے کے اجین-دیواس روڈ پر جیپ اور ٹرک کے آپس میں ٹکر ہوجانے سے 10 مزدوروں کی موت ہو گئی اور 18 زخمی ہو گئے ۔ مرنے والوں میں 4 خواتین، 3 بچے اور 3 مرد شامل ہیں۔ سبھی لوگ راجستھان کے بھیلواڈا سے آ رہے تھے ۔ یہ تمام افراد راجستھان کے پاٹن کے رہنے والے تھے ۔ واقعہ کی اطلاع ملتے ہی پولیس موقع پر پولیس پہنچ گئی۔ زخمیوں کو علاج کے لئے ہسپتال بھیج دیاگیا ہے ۔