حالات سے پریشان خاتون نے کی خود کشی

گورکھپور(نامہ نگار)ایک خاتون اپنی زندگی سے اس قدر عاجزہوگئی تھی کہ اسے ایک ٹرین کی زد میں آنے سے بچالیا گیا لیکن خاتون نے دوسری ٹرین کے سامنے کود کر خودکشی کرلی ۔خاتون کی شناخت نہ ہو نے کے سبب خودکشی کی وجہ معلوم نہیں ہوسکی ہے۔
موصولہ خبر کے مطابق آج صبح تقریباساڑھے ۹ بجے ایک معمر خاتون سہجنواں ریلوے اسٹیشن مال گودام پہنچی۔ عینی مشاہدین نے بتایاکہ خاتون کچھ دیر تک پلیٹ فارم پر چہل قدمی کرتی رہی اسی دوران ایک مالدار گاڑی کو آتاہوادیکھ کر خاتون ریلو ے لائن پر لیٹ گئی لیکن مال گاڑی کے ڈرائیور نے اسے دیکھ لیا اورگاڑی کو روک دی۔موقع پر موجود لوگوں نے اسے ریلوے لائنس سے ہٹایالوگوں نے خاتون سے خودکشی کرنے کی وجہ معلوم کرنے کی کوشش کی لیکن خاتون بغیر کچھ بتائے ایک طرف جاکر بیٹھ گئی ۔اسی دوران گورکھپور کی جانب سے چھپڑمتھراایکسپریس ٹرین مال گودام کے سامنے گزری اچانک خاتون اٹھی اورٹرین کے آگے کود گئی ۔خاتون کی موقع پر ہی موت ہوگئی جی آرپی نے لاش کو قبضہ میں لیکر پوسٹ مارٹم کیلئے بھیج دیاہے۔